O domingazo

The Alesha Show

2009-05-11T16:56:00.003+01:00

Un mambo que de seguro nos fará bailar todo o verán é o que nos ofrece Alesha Dixon coma carta de presentación en España. Despois de formar parte do trío ingles Mis-Teeq , e gañar un concurso de baile no seu país entre outras moitas facetas, Alesha sube ao escenario para amosarnos o seu “The Alesha Show” no que o primeiro single “The boy does nothing” terá moito que dicir.

O segredo do album está nunha mestura de estilos musicais, que incluen desde o R&B ata temas pop ou baladas clásicas. Ábrese o telón e comeza o espectáculo ...

Por AQUÍ vaise a ver o video musical

***

La suerte de mi vida - ECDL

2009-04-14T14:46:00.002+01:00

El Canto del Loco chega novamente para presentarnos o seu próximo tema "La suerte de mi vida", dentro do seu disco Personas. O videoclip, foi rodado entre Nova York e Madrid, contando coa colaboración do actor Álex González e a presentadora de televisión Beatríz Montañes.

"La suerte de mi vida" é unha canción a medio tempo cun marcado son a guitarras, pero que por outro lado forma parte do repertorio romántico deste quinto disco dos madrileños. O lanzamento do nuevo single coincide co anuncio das primeras datas para a xira "Hasta Luego Tour 2009", que comezará o 25 de abril por diversas cidades da nosa xeografía e para a que xa están a venda as entradas

Por aquí, vaise á Web de El Canto del Loco

***

"La Perla", novo sinxelo para Calle 13

2009-04-12T09:01:00.003+01:00

CALLE 13, coa colaboración de Rubén Blades, lanza a canción "La Perla", como segundo sinxelo do sue novo álbum "Los de atrás vienen conmigo".

Por encima de todo, "La Perla" é unha canción cunha letra emocionante na que a conxunción entre Calle 13 e Rubén, alcanza un nivel difícil de superar no hip hop latino.

www.myspace.com/calle13officialsite

Maikel de la Riva disco homónimo moi pronto!

2009-03-29T21:29:00.001+01:00

O ex cantante de "El Hombre del Gancho" debuta como solista cun disco no que colaboran Leiva (Pereza), Dani Martín (El Canto del Loco) e Lichis (La Cabra Mecánica).

Maikel de la Riva publica o seu primeiro álbum en solitario o próximo 28 de abril coa canción "Mentira" como primeiro sinxelo.

Unha nova ilusión para Alex Ubago

2009-03-07T21:01:00.000+01:00

Sen dúbida, a nova ilusión para Alex Ubago é "Calle Ilusión". El defíneo como un disco persoal, melódico e positivo.Será xa o seu cuarto álbum e incluirá os seguintes temas:

1.Amarrado a ti
2.Me arrepiento
3.Amsterdam
4.20 horas de nada
5.Calle ilusión
6.Ciudad desierta
7.No estás sola
8.Demasiado amor
9.Mil horas
10.Cerca de mí
11.Como si fuera el último
12.Walking away - con Craig David

Á venda o 10 de marzo.

BSO de Oscar - Slumdog Millionaire

2009-02-24T17:20:00.005+01:00

A gran triunfadora desta edición dos Oscar 2009 foi a película británica rodada íntegramente na India "Slumdog Millionaire". Entre os oito premios que acadou, e como non podía ser menos, tamén foi galardoada co premio á "Mellor Banda Sonora".

O seu compositor, o hindu A. R.Rahman, quixo mesturar "a India moderna coa vella India" para introducirnos nesta historia que nos leva aos suburbios de Mumbai. Esta banda sonora é un conxunto de ritmos co estilo disco dos anos setenta e cun inconfundible toque hindú.

Tamén o tema Jai Ho, pertencente á banda sonora do filme, levou o Oscar á "Mellor canción orixinal" . A continuación, podes escoitar unha pincelada deste tema:

Macaco - Música con mensaxe

2009-02-19T16:41:00.002+01:00

National Geographic Channel e o selo discográfico EMI uníronse a través da música para convidarnos a actuar pola conservación do noso planeta.

A mensaxe en favor da natureza, chéganos a través do video para a canción "Moving". Macaco preséntanos así o que vai ser o primeiro single para o seu novo álbum: Puerto Presente.

Trátase do quinto álbum da banda multicultural de Barcelona e neste novo videoclip participan coñecidos artistas do cine e a música como Javier Bardem, Rosario Flores, Javier Cámara, Juanes, Juan Luis Guerra, Carlinhos Brown, Orishas, Antonio Carmona, Pitingo, Mari (a do grupo Chambao) e Bebe.

Non é a primeira vez que Macaco trata de concienciarnos coa súa música para a preservación dos nosos recursos naturais e o coidado do planeta, e así lembramos tamén o seu tema “Madre Tierra”. A música non é só un conxunto de notas e a de Macaco é sen dúbida música con mensaxe!

***

As mellores cancións de Josh Groban a punto de caramelo!

2009-02-03T06:55:00.004+01:00

"A Collection" é unha selección dos mellores temas de Josh Groban e sae á venda hoxe mesmo!

Con máis de 25 millóns de copias vendidas en todo o mundo o barítono converteuse nun fenómeno mundial.

Neste dobre CD inclúense os sinxelos "To You Are" do seu álbum debut publicado en 2001, "You Raise Me Up" do álbum Closer de 2003, "February Song" e "You Are Loved (don ' t Give Up)" de Awake editado en 2006 así como dous temas en directo non editados anteriormente e cinco dos temas do álbum que editou no nadal de 2007 "Noel" co que conseguiu o record de vendas dese ano en USA.

This is the Life -Amy Macdonald

2009-01-29T21:49:00.007+01:00

Se nos acompañas, imos viaxar ata Escocia... Alí coñeceremos unha nova cantautora: nova, porque aínda está empezando e nova, pola idade que ten.

Chámase Amy Macdonald e acompañada da súa guitarra, cun lixeiro toque country, preséntanos o seu single "This is the life", dándolle ó mesmo tempo un nome ó seu disco debut.

Para saber máis e escoitar os seus temas, bótalle unha ollada á páxina web de Amy Macdonald

***

Just Dance - Lady GaGa

2009-01-20T20:24:00.007+01:00

Para sacudirnos o frío do inverno, saltamos as pistas de baile con Lady GaGa. A artista americana, publicou a finais do ano pasado o seu album debut "The Fame", que chegará a España a partir do próximo mes de febreiro. Con este traballo anímanos en primeiro lugar a bailar co seu single "Just Dance".

Este tema recibiu unha nominación na 51 edición dos premios Grammy como 'Mellor Grabación Dance do Año', competindo na mesma categoría contra artistas coma Daft Punk, Rihanna ou Madonna. O día 9 de febreiro deste 2009 coñeceremos o resultado, pero ata entón que non pare a música!

***

Bruce Springsteen. Moi pronto novo álbum!

2009-01-16T06:41:00.000+01:00

Working on a dream (Traballando nun soño) é o álbum de 2009 de Bruce Springsteen. O tema que achega o título ao disco estreouse en directo durante a campaña pola presidencia de Estados Unidos de Barack Obama a finais de 2008. É o sinxelo presentación. Gravado coa E Street Band, inclúe 12 cancións novas ademais de 1 bonus track.
Este álbum tan esperado polos/as fans do cantante de New Jersey sairá á venda o próximo 27 de xaneiro.

Amaia Montero bate récords

2009-01-08T13:05:00.003+01:00

Desde que se publicou o seu primeiro álbum en solitario hai seis semanas, Amaia Montero vive momentos doces. Tras entrar directamente ao nº1, permanece entre os tres primeiros da lista dos máis vendidos en España e está a piques de conseguir o dobre Disco de Platino. Nas descargas de cancións e tons orixinais tamén alcanzou o Platino coa canción "Quiero ser", que ademais bateu todas as marcas de permanencia no nº1 nas listas de radio (13 semanas), televisión e vídeo. Un debut de éxito contundente que Amaia Montero quere trasladar a América, onde viaxará do 25 de xaneiro ao 15 de febreiro para apoiar o lanzamento do seu álbum en Estados Unidos e México.

"La Vida" de Ainhoa Arteta

2008-12-19T17:00:00.004+01:00

Este luns 22 de decembro, a soprano Ainhoa Arteta recibirá o Disco de Ouro no concello de San Sebastian polas vendas do seu último traballo “La Vida”.

A cantante lírica, amósanos con este traballo unha nova faceta artística moito mais próxima ó pop, versionando temas coma “Tears in heaven” de Eric Clapton, “La Vida” de Silvio Rodríguez (que lle da título ao album), “Michelle” dos Beatles ou o clásico do cantante belga Jacques Brel “Ne me quitte pas”. Neste traballo tamén podemos atopar o “Love me tender” de Elvis Presley, ou outro clasico coma “Fly me to the moon” (versionado anteriormente por Frank Sinatra ou Ella Fitzgerald), entre outras.

De forma simultanea coa promoción de “La Vida”, Ainhoa Arteta levou a cabo un calendario cheo das actuacions líricas e concertos de ópera habituais.

---

Disco de Ouro para Luis Fonsi

2008-12-16T06:52:00.000+01:00

Luis Fonsi recibe o Disco de Ouro en España tras superar as 40.000 copias do seu disco "Palabras del Silencio".

"No me doy por vencido" é o primeiro sinxelo deste disco que leva máis de 3 meses de número 1 na lista de radio latina do Billboard. En España, esta balada, mantense no nº 5 na lista de radio e recibiu dous certificados de platino dixital polas descargas obtidas de cancións e tonos.

O artista portorriqueño está planeando a súa xira por España para o próximo mes de maio.

Pop-Rock-Alternativa en "Fracciones de Segundo"

2008-12-15T07:15:00.001+01:00

Teremos que esperar algo máis que "Fracciones de Segundo" para poder gozar do cuarto álbum de Second; pero xa falta menos. O 27 de xaneiro de 2009 é a data escollida por José Angel e Jorge, os compoñentes de Second, para publicar o seu novo traballo. Como carta de presentación "Palabras".

Camila en concerto!

2008-12-05T07:59:00.003+01:00

Xa están á venda as entradas para o concerto de CAMILA o próximo 13 de marzo de 2009 en Madrid (La Riviera).
O concerto significa a presentación do trío mexicano en Madrid co seu álbum "Todo Cambió", tras colgar o "Non hai entradas" en Barcelona e Valencia nas súas actuacións o pasado mes de outubro.

Linkin Park camiñan pola "Road to Revolution"

2008-11-27T19:27:00.003+01:00

Durante a súa xira europea, esta banda norteamericana de rock alternativo fixo unha parada no camiño na cidade inglesa de Milton Keynes. Alí gravaron o pasado verán o concerto que agora nos presentan en formato DVD + CD con 18 dos seus temas en vivo e en directo baixo o nome "Road to Revolution".

O pack está fabricado con materiais reciclables e contén ademáis sorpresas para os fans de Linkin Park con diferentes contidos extras coma bonus tracks e pistas ocultas, ademáis dun libreto cheo de cor con fotografías inéditas da banda.

Novo disco para CRAIG DAVID

2008-11-15T22:56:00.002+01:00

O próximo 25 de novembro edítase“Greatest Hits” de CRAIG DAVID en formato CD + DVD.

O CD inclúe os sinxelos“Fill Me In” e “7 Days”, as súas colaboracións “Rewind” (con Artful Dodger) e “Rise & Fall” (con Sting) así como 10 sinxelos maís que entraron no Top 5. Además os fans poderán escoitar tres novos temas ‘Insomnia’, ‘Where’s Your Love’ e `Just Your Imagination’.

O primeiro sinxelo deste recopilatorio é “Walking Away” a dúo con Alex Ubago.

Calle 13 convídante!

2008-10-25T00:45:00.002+01:00

En novembro poderás velos en directo en Madrid! Adiántate ao acontecemento e non te quedes sen entradas!

Novo album dos finlandeses "The Rasmus"

2008-09-30T17:44:00.004+01:00

Os finlandeses The Rasmus sacan á venda o que será o seu sétimo álbum no mercado: Black roses. Este ramo de Rosas negras esta formado por un total de 11 novos temas.

Grabado entre Helsinki e Nashville, o novo disco empezou a tomar forma nalgunha parte das illas gregas. Agora o grupo preséntanos o seu primeiro single "Living in the world without you", sempre con ese son enérxico que os caracteriza.

***

Rosario nos Grammy Latinos

2008-09-11T15:20:00.002+01:00

Nunha rolda de prensa celebrada na cidade norteamericana de Os Ánxeles acábase de coñecer que entre as nominacions finais da 9ª edición para os Latin Grammy Awards está a cantante española Rosario. Co seu último disco “Parte de mí” conseguiu ser nominada na categoría a Mellor Álbum Vocal de Pop Feminino competindo cos traballos doutras artistas entre as que se atopan Ana Gabriel ou Alejandra Guzmán, entre outras.

A Gala de entrega destes premios GRAMMY Latino terá lugar o próximo 13 de novembro no Toyota Center da cidade de Houston. Alí coñeceránse os gañadores das diferentes categorías destes premios da música.

***

Calle 13 regresan con máis hip hop!

2008-09-02T07:42:00.002+01:00

O dúo portorriqueño de hip-hop, referencia da cultura popular actual, lanza o seu terceiro disco centrado nas persoas ás que unha sociedade de privilexiados marxinou e deixou atrás. A revolución musical latina de Calle 13 continúa co seu terceiro álbum Los de atrás vienen conmigo, que se publica o 7 de outubro de 2008.

Thalia: a sensual mexicana ten novo éxito

2008-08-08T08:09:00.003+01:00

Dende México e con amor chéganos un repertorio de cancións bendecido pola luz da lúa que se torna nunha "Lunada". Así decidiu THALIA denominar o seu novo traballo discográfico que editou este verán. Como primeiro single "Ten paciencia" un bo título para acompañar o retraso que se produciu nesta edición. O caso é que xa está nas tendas!! Anímate e goza de once composicións que non teñen desperdicio.

Banghra - A bailar!

2008-06-28T15:51:00.008+01:00

Así se chama o novo disco de Banghra: A bailar!

Neste segundo album do grupo que tanto nos fixera bailar co tema "My own way", atoparás novamente ese toque de musica hindú e coreografias que ti mesmo poderás bailar. Para facer os arranxos musicais empregaron instrumentos tradicionais da India e en todos os temas destaca a presenza do sonido dun gong que marca o inicio de cada unha das coreografías.

O primeiro single para presentar este novo traballo, chámase "Una especie en extinción" e por aqui vaise a ver o video

***

Chambao continúa a súa xira por España

2008-06-10T10:21:00.008+01:00

Mentres presenta a canción "Duende del Sur" como novo single do seu álbum Con otro aire, CHAMBAO continúa a súa xira 2008, unha das máis apertadas do ano.

-------------------Esta xira comezou o pasado 9 de febreiro e, tras unha primeira etapa en España, trasladouse a América para presentar as súas novas cancións en Bos Aires, Santiago de Chile, Caracas, México DF, Aguascalientes, San Juan de Porto Rico e Miami. Despois, e tras gañar o Premio da Música ao Mellor Álbum de Fusión (Con otro aire) e encher o Palacio de Deportes de Madrid o 11 de abril, Chambao continúa a súa xira. Entre as numerosas datas confirmadas atopámonos cunha visita a terras galegas que terá lugar en breve: O 8 de Agosto estarán na Coruña, concretamente na Praza de María Pita.

MELOCOS: unha curta pero intensa carreira musical

2008-06-03T09:33:00.003+01:00

Melocos continúa a súa escalada na lista oficial dos álbums máis vendidos en España. É unha subida pasiño a pasiño, apoiada pola súa longa xira de concertos en directo e cunha presenza nos medios cada vez maior. Así, o xoves, 29 de maio, a banda gaditana visitou a academia de OT en Telecinco; o 15 de xuño actuará na madrileña Praza da Cibeles nun gran concerto xunto a artistas como Nacha Pop; o 16 de xuño recibirá na Sala Colonial de Madrid un dobre Disco de Platino por descargas dixitais; o 17 de xuño volverá a OT para interpretar xunto a Natalia Jiménez (cantante da Quinta Estación ) o seu éxito "Cuando me vaya"... Ao mesmo tempo, esta canción permanece 27 semanas nos postos máis altos da lista de descargas dixitais cun Disco de Platino e outras tantas na de tons orixinais con outro Platino.

Visitamos á tenda de discos

2008-04-29T19:17:00.004+01:00

Hoxe é o día perfecto para darse unha volta pola tenda de discos. Ademais do xa comentado disco de Madonna - "Hard Candy" , saen ó mercado álbumes para tódolos gustos:

*Maná preséntanos o seu novo traballo "Arde el cielo" co single "Si no te hubieras ido". Os mexicanos demostran unha vez máis o seu estilo á hora de facer música.

*David Civera achéganos un pouco máis ó verán coa rumba que nos ofrece en "Para vivir contigo", dándolle título a este primeiro single e ó mesmo tempo ó seu sétimo traballo discográfico.

*Rosario recupera as cancións que marcaron a súa vida en "Parte de mi". A artista dalle ó bolero "Algo contigo" o seu toque flamenco.

Tamén podes descubrir (ou recuperar da memoria) ...
*Un quinteto londiniense que leva por nome The feeling. No seu segundo disco, Join with us ofrécennos como primeiro single o tema "I Thought It Was Over"

*O particular son de Sarah McLachlan no seu traballo "Rarities, B-Sides and Other Stuff" (Volume 2), no que entre outras cousas se inlúen duetos con Cindy Lauper, Bryan Adams ou un remix con DJ Tiësto.

A tenda de caramelos de Madonna

2008-04-26T18:00:00.003+01:00

A raiña do pop lanza o seu novo disco "Hard Candy" o próximo martes 29 de abril. O undécimo disco de estudo da cantante trae sabor a pop urbano e ó dance das pistas de baile.

No primeiro single que leva por título “4 minutes”, a artista corre contra o tempo xunto con Justin Timberlake e Timbaland. Ese é o tempo que teñen para salvar o mundo («we only got four minutes to save the world»), mentres un reloxo marca a conta atrás.

Madonna ten previsto dar tres miniconcertos reservados a un público coidadosamente seleccionado: o 30 de abril en Nueva York, o 6 de maio en París e o 11 dese mesmo mes en Londres, antes de empezar una gira mundial.

Logo de sete anos de silencio discográfico, a diva do pop español volve ao nº1 coa canción Europa, primeiro single do seu novo álbum Tarántula

2008-04-23T11:19:00.005+01:00

Hoxe mércores 23 de abril a partir das 18:30 hrs no Corte Inglés de Princesa e mañá xoves 24 de abril á mesma hora no Corte Inglés Puerta del Angel en Barcelona; MÓNICA NARANJO reencontrarase co seu público logo de moitos anos e asinará o seu novo disco "Tarántula", Disco de Ouro no seu primeiro día de lanzamento. Este traballo é o reflexo dunha loita cara á liberdade de expresión e de interpretación. Son as palabras de Mónica Naranjo acerca do seu novo álbum, "Tarántula", que se publica logo de sete anos sen lanzar novas cancións. Cunha produción dirixida por Cristóbal Sansano e realizada polos escoceses Chris Gordon e Dave McClean, todas as cancións do disco están compostas por Mónica e José Manuel Navarro, un tándem que conseguiu todos os grandes éxitos da artista de Figueras (Xirona).

O novo single de Manolo García...

2008-04-21T18:23:00.006+01:00

MANOLO GARCÍA lanza a canción "No estés triste" como primeiro single de Saldremos a la lluvia, o seu cuarto álbum de estudo que se publica o próximo 13 de maio!

Cantas con el?:

Premio "Micrófonos de Ouro 2008"

2008-04-17T07:44:00.003+01:00

A Federación de Asociacións de Radio e Televisión de España acaba de premiar a Estopa, Joan Manuel Serrat e Joaquín Sabina cos Micrófonos de Ouro 2008 na VI edición destes galardóns. Estes premios entregaranse o próximo 19 de abril en Ponferrada (León) nun acto presentado por Luís del Olmo e María Teresa Campos e no que Estopa interpretará unha canción.

Leo Segarra regresa por todo o alto...

2008-04-09T07:10:00.003+01:00

LEO SEGARRA, finalista da última edición de Operación Triunfo, xa ten listo o seu segundo disco de estudo, que se chamará Cambio de sentido. O primeiro single deste novo traballo xa foi estreado xunto ao seu videoclip, un marchoso tema titulado "Baila sin mi". Tras a acollida do seu primeiro álbum de estudo, Iniciando sesión e o seu single "Me pones a 100", que lle valeron un top5 nas listas de vendas españolas, o cantante valenciano prepara o seu regreso ao grande.

“BATUKA LATIN NEW GENERATION”

2008-03-28T20:25:00.001+01:00

Logo de vender máis de 1 millón de copias cos seus anteriores volumes, "BATUKA LATIN NEW GENERATION" regresa con enerxías renovadas para facer gozar das novas rutinas e movementos aos numerosísimos seguidores que hai en España deste método que combina ximnasia, baile e diversión.

Despois do seu descubrimento en setembro de 2005, Batuka converteuse en todo un fenómeno de masas."BATUKA LATIN NEW GENERATION", na súa constante procura por ofrecer propostas sempre actuais e efectivas de música, baile e ximnasia aeróbica, presenta esta nova proposta cun repertorio que regresa ao corazón da música latina con coreografías para todos os públicos.

Quedamos a espera de ver próximamente unha nova edición do programa Operación Triunfo, onde comezamos a coñecer esta modalidade de música e baile...

Bustamante inicia xira promocional por America

2008-03-06T20:15:00.001+01:00

Este ano 2008 a carreira artística a nivel internacional de Bustamante vai dar un salto de grandes dimensións. Esta afirmación volvese cada vez máis sólida co lanzamento do seu álbum "Al filo de la irrealidad" en México, Centroamérica, Ecuador (territorios onde xa está á venda desde esta mesma semana). En paises coma Venezuela, Colombia, Perú, Arxentina, Chile o disco sairá á venda nos próximos días; mentres que en Estados Unidos e Porto Rico, o álbum de Bustamante verá a luz en abril.

O lanzamento de "Al filo de la irrealidad" en Latinoamérica e Estados Unidos coincide co inicio da primeira fase da xira promocional de Bustamante en América. Este mesmo domingo 9 de marzo, o artista español voa rumbo a México.

Regresa o Rei do Pop á escea musical

2008-02-08T08:47:00.000+01:00

12 de febreiro de 2008. Quédate con esta data porque será a partir dese mesmo día cando poderás gozar dun álbum repleto de cancións que te van trasladar a outra dimensión...Co motivo da celebración do 25º aniversario do disco máis vendido da historia publícase unha edición especial baixo a denominación de "Thriller: 25º Anniversary Edition" que engade 7 bonus track, vídeos e unha actuación en directo de MICHAEL JACKSON.

Entrevistamos a "La Caja de Pandora"

2008-02-06T21:12:00.000+01:00

Despois de case 2 anos da publicación do seu anterior álbum "Acuérdate bien de mi cara" LA CAJA DE PANDORA preséntanos o seu novo disco "No perder el norte" que saiu á venda o pasado 29 de xaneiro. Como carta de presentación "El jardín de los idiotas", un tema moi optimista a través do cal volven ás súas orixes.

Non te perdas a entrevista que terá lugar o próximo 10 de febreiro de 2008 en O DOMINGAZO ás 17:15h.

Entrevistamos a "Rodia"

2008-02-03T20:00:00.000+01:00

Na primeira hora do noso programa "O domingazo", puidemos entrevistar ao grupo RODIA. Desde Santiago, Andrés e Natxo falaronnos sobre o seu grupo e a sua visión da música. Desde Formula Hit Galicia presentamosvos o seu tema "Debaixo do ceo" e animamosvos a que participedes na enquisa aberta durante este mes.

O próximo sábado 9 de febreiro poderás atopalos no pub A Conga (Santiago de Compostela) onde ofrecerán un concerto para os seus incondicionais. Para saber máis, accede ao blog de Rodia:

http://rodiamusic.bogspot.com

Into the night - Santana

2008-01-18T19:36:00.000+01:00

No seu máis recente traballo "Ultimate Santana", o guitarrista fai unha recompilación dos temas máis destacados da súa traxectoria musical. Santana conta neste disco con varias colaboracións e entre elas descubrimos o dueto que fai con Chad Kroeger (vocalista de Nickelback) no tema "Into the night".

Into the night
Like a gift from the heavens
It was easy to tell
It was love from above
That could save me from hell
She had fire in her soul
It was easy to see
How the devil himself could be pulled out of me
There were drums in the air
As she started to dance
Every soul in the room keeping time with their hands

And we sang ay, oh ay, oh ay, oh ay
And the voices rang like the angels sing
And singing ay, oh ay, oh ay, oh ay
And we danced on into the night
And we danced on into the night

Like a piece to the puzzle that falls into place
You could tell how we felt from the look on our faces
We were spinning in circles with the moon in our eyes
No room left to move inbetween you and I
And we forgot where we were
And we lost track of time
And we sang to the wind as we danced through the night

And we sang ay, oh ay, oh ay, oh ay
And the voices rang like the angels sing
And singing ay, oh ay, oh ay, oh ay
And we danced on into the night
And we danced on into the night
And we danced on into the night

Like a gift from the heavens
It was easy to tell
It was love from above
That could save me from hell
She had fire in her soul
It was easy to see
How the devil himself could be pulled out of me
There were drums in the air as she started to dance
Every soul in the room keeping time with their hands

And we sang ay, oh ay, oh ay, oh ay
And the voices rang like the angels sing
And singing ay, oh ay, oh ay, oh ay
And we danced on into the night
A, away, away, away
And the voices rang like the angels sing
And singing ay, oh ay, oh ay, oh ay
And we danced on into the night
ay, oh ay, oh ay, oh ay
ay, oh ay, oh ay, oh ay
Singing *ay, oh ay, oh ay, oh ay
And we danced on into the night

O domingazo

2008-01-06T14:22:00.000+01:00

O blog do domingazo comeza aquí a súa andadura. Benvid@ ao noso espazo musical...